கொரோனா பாதிப்பு குறித்து விஷால் பதிவு செய்த டுவீட்!
- IndiaGlitz, [Sunday,July 26 2020]
கொரோனா வைரஸால் பொதுமக்கள் மட்டுமின்றி ஒருசில திரையுலக பிரபலங்களும் பாதிக்கப்பட்டுள்ளனர் என்பதும் குறிப்பாக அமிதாப்பச்சன் குடும்பத்தினர்கள் கொரோனாவால் பாதிக்கப்பட்டனர் என்ற செய்தி அனைவரையும் அதிர்ச்சிக்குள்ளாக்கியது என்பதும் தெரிந்ததே
இந்த நிலையில் தமிழ் சினிமாவின் முன்னணி நடிகர்களில் ஒருவராகிய விஷால் மற்றும் அவரது தந்தை ஜிகே ரெட்டி ஆகியோர்கள் கொரோனாவால் பாதிக்கப்பட்டு 20 நாட்கள் ஆயுர்வேத சிகிச்சை எடுத்து அதன்பின் குணமாகிய செய்தி நேற்று வெளியானது
இந்த நிலையில் தனக்கும் தனது தந்தைக்கும் ஏற்பட்ட கொரோனா பாதிப்பு குறித்து விஷால் தனது டுவிட்டரில் கூறியிருப்பதாவது: ஆம், எனது தந்தைக்கு முதலில் கொரோனா பாசிட்டிவ் இருந்தது உண்மைதான். அவரை கவனித்து கொள்ளும் பணியில் இருந்ததால் எனக்கும் கடுமையான காய்ச்சல், சளி, இருமல் இருந்தது. எனது மேனேஜருக்கும் இதேபோன்று பாதிப்பு இருந்தது. நாங்கள் அனைவரும் ஆயுர்வேத சிகிச்சை எடுத்து கொண்டோம். ஒரே வாரத்தில் நாங்கள் முழு அளவில் குணடைந்து விட்டோம். தற்போது நாங்கள் ஆரோக்கியமாக உள்ளோம். இந்த தகவலை உங்களுடன் பகிர்ந்து கொள்வதில் எனக்கு மகிழ்ச்சி என்று விஷால் குறிப்பிட்டுள்ளார், கொரோனாவில் இருந்து குணமாகிய விஷால் மற்றும் அவரது தந்தைக்கு விஷாலின் ரசிகர்கள் வாழ்த்துக்களை தெரிவித்து வருகின்றனர்.
Yes it’s True, my Dad was tested Positive, by helping him I had the same symptoms of High Temperature, Cold, Cough & was the same for my Manager.
— Vishal (@VishalKOfficial) July 25, 2020
All of us took Ayurvedic Medicine & were out of Danger in a week’s time. We are now Hale & Healthy.
Happy to Share this....GB