தனுஷ் மற்றும் வெற்றிமாறன் இணைந்து தயாரித்துள்ள 'விசாரணை' திரைப்படம் ரிலீஸுக்கு முன்னரே உலக திரைப்பட விழாக்களில் கலந்து கொண்டு பெரும் வரவேற்பை பெற்ற நிலையில் இந்த படத்தின் ரிலீஸ் தேதியை அனைவரும் எதிர்பார்த்து காத்திருக்கின்றனர். இந்த படம் இவ்வருடத்திற்குள் ரிலீஸ் ஆகும் என எதிர்பார்க்கப்பட்டது. ஆனால் தொடர்ந்து பெய்த கனமழை மற்றும் தொடர்ச்சியாக ரிலீஸ் ஆன படங்கள் ஆகியவற்றால் படத்தின் ரிலீஸ் தேதி தள்ளி போய்க்கொண்டே இருந்தது.

இந்நிலையில் இந்த படத்தின் தயாரிப்பாளர்களில் ஒருவரான தனுஷ் சற்று முன்னர் இந்த படத்தின் ரிலீஸ் தேதியை அதிகாரபூர்வமாக அறிவித்துள்ளார். இந்த படம் வரும் ஜனவரி 29ஆம் தேதி ரிலீஸ் ஆகும் என்றும் மென்மையான இதயம் கொண்டவர்களுக்கான படம் இது இல்லை என்றும் அவர் தனது சமூக வலைத்தளத்தில் கூறியுள்ளார்.

அட்டக்கத்தி தினேஷ், ஆனந்தி, சமுத்திரக்கனி, கிஷோர் உள்பட பலர் நடித்துள்ள இந்த படத்திற்கு ஜி.வி.பிரகாஷ்குமார் இசையமைத்துள்ளார். 2.0 படத்தின் தயாரிப்பு நிறுவனமான லைகா புரடொக்ஷன்ஸ் இந்த படத்தை ரிலீஸ் செய்கிறது.