ప‌ద్ధ‌తిగా ఉండాల‌నే తండ్రి, ఇష్టానుసారం బ‌త‌కాల‌నుకునే కొడుకు మ‌ధ్య జ‌రిగే సంఘ‌ర్ష‌ణ‌తో వేణు ఊడుగుల తెర‌కెక్కించిన చిత్రం `నీదీ నాదీ ఒకే క‌థ‌`. ఈ సినిమా త‌ర్వాత వేణు ఊడుగుల రానా హీరోగా ఓ సినిమా చేయ‌బోతున్నార‌నే సంగ‌తి తెలిసిందే. ఇందులో రానా న‌క్స‌లైట్‌గా క‌నిపిస్తార‌ని ఎప్ప‌టి నుంచో అనుకుంటున్న‌దే. అయితే తాజాగా రానా స‌ర‌స‌న సాయిప‌ల్ల‌వి న‌టించ‌డానికి అంగీకారం తెలిపార‌ట‌. హ్యూమ‌న్ రైట్ యాక్టివిస్ట్ గా న‌టించ‌డానికి ట‌బు కూడా సంత‌కం చేశార‌ని తెలిసింది.

ఎమోష‌న్స్ పీక్స్ లో ఉంటే న‌క్స‌లైట్ స‌బ్జెక్ట్ ఇది. మ‌ధ్య‌లో హృద్య‌మైన ప్రేమ క‌థ‌ను చూపించ‌నున్నారు. న‌క్స‌లైట్ ఉద్య‌మాలు ఎక్కువ‌గా జ‌రిగిన తెలంగాణ గ‌డ్డ‌కు చెందిన వేణు ఊడుగుల ఇక్క‌డి స‌మ‌స్య‌ల‌ను క‌ళ్ల‌కు క‌ట్టి చూపించేలా స్క్రిప్ట్ సిద్ధం చేసుకున్నార‌ని స‌మాచారం. రానా ప్ర‌స్తుతం చేస్తున్న సినిమాలు పూర్తి కాగానే , త్వ‌ర‌లోనే ఈ సినిమాను మొద‌లుపెట్ట‌నున్నారు. ముందు ట‌బు, సాయిప‌ల్ల‌వికి సంబంధించి సోలో వ‌ర్క్ మొత్తం పూర్తి చేసుకోవాల‌న్న‌ది యూనిట్ ప్లాన్ అట‌.