വിരാട് കോഹ്ലി റോയല്‍ ചലഞ്ചേഴ്‌സ് ബാംഗ്ലൂരിൻ്റെ ക്യാപ്റ്റനായി വീണ്ടും തിരിച്ചെത്തി. സിഎസ്‌കെ ക്ക് എതിരായ മത്സരത്തിനിടെ പരിക്കേറ്റ ഡു പ്ലസിസ് ഫീല്‍ഡിംഗിനിറങ്ങില്ല. ഫാഫ് ഡു പ്ലസിസിന് പകരക്കാരനായാണ് വിരാട് കോഹ്ലി ആര്‍സിബി ക്യാപ്റ്റനായത്. പഞ്ചാബ് കിംഗ്‌സിനെതിരെ നടന്നു കൊണ്ടിരിക്കുന്ന മത്സരത്തിലാണ് വിരാട് കോഹ്ലി ആര്‍സിബിയുടെ ക്യാപ്റ്റന്‍സിയില്‍ തിരിച്ചെത്തിയത്. ഡു പ്ലെസിസ് ഒരു ഇംപാക്റ്റ് പ്ലെയറായി കളിക്കുമെന്ന് കോഹ്ലി വെളിപ്പെടുത്തി. മത്സരത്തില്‍ ആദ്യം ബാറ്റ് ചെയ്യാന്‍ ആഗ്രഹിച്ചതിനാല്‍ ടോസ് നഷ്ടപ്പെട്ടതില്‍ ആര്‍സിബി നിരാശരായിട്ടില്ലെന്ന് കോഹ്ലി പറഞ്ഞു. കഴിഞ്ഞ മത്സരത്തെ പോലെ തന്നെ സാം കരണ്‍ തന്നെയാണ് ഈ മത്സരത്തിലും പഞ്ചാബിനെ നയിക്കുന്നത്. പഞ്ചാബിന്റെ ഹോം ഗ്രൗണ്ടായ മൊഹാലി ഐഎസ് ബിന്ദ്ര സ്‌റ്റേഡിയത്തിലാണ് മത്സരം നടക്കുന്നത്. വര്‍ഷങ്ങളോളം ആര്‍സിബി ക്യാപ്റ്റനായിരുന്ന കോഹ്ലി 2022 സീസണിന് മുന്നോടിയായി ഫ്രാഞ്ചൈസിയുടെ നായക സ്ഥാനം ഉപേക്ഷിച്ചിരുന്നു.