இன்று உலகம் முழுவதும் மகளிர் தின கொண்டாட்டங்கள் நடைபெற்று வருகிறது. பெண்களுக்கு மகளிர் தின வாழ்த்துக்களை பிரபலங்கள் தெரிவித்து வருகின்றனர். அந்த வகையில் இந்திய கிரிக்கெட் அணியின் கேப்டனும் சமீபத்தில் நடிகை அனுஷ்காவை திருமணம் செய்தவருமான விராத் கோஹ்லி தனது சமூக வலைத்தள பக்கத்தில் மகளிர் தின வாழ்த்து குறித்த ஒரு வீடியோவை வெளியிட்டுள்ளார். அதில் அவர் ஆணும் பெண்ணும் நிச்சயம் சமம் அல்ல என்று தெரிவித்துள்ளார்.

இந்த வீடியோவில் விராத் கோஹ்லி மேலும் கூறியதாவது: ஆண்களும், பெண்களும் நிச்சயம் சமம் அல்ல என்பதை உறுதியுடன் கூற விரும்புகிறேன். உண்மை என்னவெனில், ஒருவரை விட ஒருவர் தாழ்ந்தவர் என்பதுதான் உண்மை. பெண்கள், பாலியல் வன்கொடுமை, பாலின பாகுபாடு, பாலியல் தொல்லைகள், அலுவலக பிரச்சனைகள், அடக்குமுறை, வன்முறைகள் ஆகிய பல பிரச்சனைகளை சந்தித்து கொண்ட போதிலும் மன உறுதியுடன் வளர்ச்சி மற்றும் முன்னேற்ற பாதையை நோக்கி செல்கின்றனர். இப்போது நீங்கள் சொல்லுங்கள்? ஆணும், பெண்ணும் சமமா? நிச்சயம் இல்லை. அவர்களில் ஒருவரை விட ஒருவர் சிறந்தவர்.

இன்றைய மகளிர் தின நாளில் உலகில் உள்ள அனைத்து பெண்களுக்கும் என்னுடைய மகளிர் தின வாழ்த்துகளை தெரிவித்து கொள்கிறேன்' என்று விராத் கோஹ்லி அந்த வீடியோவில் கூறியுள்ளார்.

Tag the extraordinary woman in your life who is #BetterThanEqual @Staywrogn@AnushkaSharma ♥️ pic.twitter.com/NdjNEPYQjD

— Virat Kohli (@imVkohli) March 8, 2018