இந்திய கிரிக்கெட் அணியின் கேப்டன் விராத் கோஹ்லி, பிரபல பாலிவுட் நடிகை அனுஷ்கா சர்மாவை கடந்த 2017ஆம் ஆண்டு திருமணம் செய்த நிலையில் இந்த தம்பதிக்கு கடந்த ஜனவரி மாதம் பெண் குழந்தை பிறந்தது. இந்த குழந்தைக்கு வாமிகா என விராட் கோலி அனுஷ்கா தம்பதியினர் பெயர் வைத்தனர்.இந்த குழந்தையின் புகைப்படம் அவ்வப்போது விராட் கோலி, அனுஷ்காவின் சமூக வலைதளங்களில் வைரல் ஆகி வரும் என்பது குறிப்பிடத்தக்கது.

இந்த நிலையில் சற்று முன்னர் அனுஷ்கா சர்மா தனது இன்ஸ்டாகிராம் பக்கத்தில் வீடியோ ஒன்றை பதிவு செய்துள்ளார். அதில் விராட் கோஹ்லியை பின்புறமாக இருந்து பிடித்துக்கொண்டு ஒரு சில இன்ச்சுகள் அலாக்காக தூக்கும் வீடியோ காட்சி உள்ளது. இந்த வீடியோவில் மீண்டும் தன்னை தூக்குமாறு விராத் கோஹ்லி கூற அதை போன்று அனுஷ்கா மீண்டும் தூக்கி ’என்னால் இதுவும் முடியும் தானே’ என தனது மகிழ்ச்சியை பதிவுசெய்தார்.

இந்த வீடியோ தற்போது அனுஷ்கா ஷர்மாவின் இன்ஸ்டாகிராமில் வைரலாகி வருகிறது என்பதும் இந்த வீடியோ பதிவு செய்த ஒரு மணி நேரத்தில் 27 லட்சத்திற்கும் அதிகமான பார்வையாளர்கள் கிடைத்துள்ளனர் என்பதும் குறிப்பிடத்தக்கது.

View this post on Instagram

A post shared by AnushkaSharma1588 (@anushkasharma)