தனுஷ் நடித்த சூப்பர் ஹிட் வெற்றிப்படமான 'வேலையில்லா பட்டதாரி' படத்தில் தனுஷால் அமுல்பேபி என்று கேலி செய்யப்பட்ட வில்லன் நடிகர் அமிதாஷ் தற்போது ஹாலிவுட் படம் ஒன்றில் நடிக்க ஒப்பந்தமாகியுள்ளார்.

ஸ்டெப் அப்', 'சேவ் த லாஸ்ட் டான்ஸ்' ஆகிய படங்களை இயக்கிய பிரபல ஹாலிவுட் இயக்குனர் ட்வேன் அட்லர் இயக்கவுள்ள நடனக்கதை ஒன்றில் அமிதாஷ் நடிக்கவுள்ளார். இந்த படத்தின் ஆடிஷனுக்கு பலமுறை சென்று தனது நடனத்திறமையை நிரூபித்த பின்னரே இந்த படத்தில் நடிக்க வாய்ப்பு கிடைத்ததாக அமிதாஷ் கூறியுள்ளார்.

பாஜிராவ் மஸ்தானி' படத்திற்கு நடன இயக்குனராக பணியாற்றிய சம்பா கோபி கிருஷ்ணா மற்றும் உலகப்புகழ் பெற்ற நடன இயக்குனர் டெசண்ட்ரா சாவேஸ் ஆகியோர் இந்த படத்தில் நடன இயக்குனர்களாக பணிபுரியவுள்ளனர்.

இரண்டு பெண் மற்றும் ஒரு ஆண் நடனக்கலைஞர்களுக்கிடையேயான ஒரு முக்கோண காதல் கதை என்றும் இந்த படம் இந்தியா மற்றும் அமெரிக்காவில் படமாக்கப்படவுள்ளதாகவும் கூறப்படுகிறது.