'విఐపి 2' రిలీజ్ డేట్
- IndiaGlitz, [Wednesday,August 02 2017]
ధనుష్ హీరోగా న‌టించిన 'వీఐపీ2' విడుద‌లకు సిద్ధ‌మైంది. అమ‌లాపాల్ హీరోయిన్‌గా న‌టించిన సినిమా ఇది. సౌంద‌ర్య ర‌జ‌నీకాంత్ ద‌ర్శ‌క‌త్వం వ‌హించారు. వండ‌ర్‌బా ఫిల్మ్స్, వీ క్రియేష‌న్స్ నిర్మిస్తున్న సినిమా ఇది.
వేలై ఇల్లాద ప‌ట్ట‌దారి సినిమా తెలుగులోనూ ర‌ఘువ‌ర‌న్ బి.టెక్ పేరుతో మంచి విజ‌యాన్ని సొంతం చేసుకోవ‌డంతో తెలుగు రాష్ట్రాల్లోనూ ఈ సినిమాపై మంచి అంచ‌నాలే ఉన్నాయి. కాజోల్ ఇందులో కీల‌క పాత్ర పోషించిన విష‌యం కూడా తెలిసిందే. రీతు వర్మ, స‌ముద్ర‌ఖ‌ని, శ‌ర‌ణ్య పొన్ వ‌ణ్ణ‌న్ ఇత‌ర పాత్ర‌ల్లో న‌టించారు.
తాజా స‌మాచారం ప్ర‌కారం ఈ చిత్రాన్ని ఆగ‌స్ట్ 11న తెలుగు, తమిళంలో విడుదల చేస్తున్నార‌ట. అల్రెడి తెలుగులో ఆగ‌స్ట్ 11న రానా నేనే రాజు నేనే మంత్రి, నితిన్ లై, బెల్లంకొండ శ్రీనివాస్ 'జ‌య‌జాన‌కి నాయ‌క' సినిమాలు లైన్‌లో ఉన్నాయి. ఇప్పుడు ధనుష్ కూడా వీరితో పోటీ ప‌డ‌బోతున్నాడు మ‌రి ఇందులో విజేత ఎవ‌రో తెలియాలంటే కొన్నిరోజుల ఆగాల్సిందే.