அஜித்துக்கும் தனுஷூக்கும் 15 நாட்கள் மட்டுமே வித்தியாசம்
- IndiaGlitz, [Sunday,July 30 2017]
தனுஷ் அமலாபால் நடிப்பில் செளந்தர்யா ரஜினிகாந்த் இயக்கிய 'வேலையில்லா பட்டதாரி' படத்தின் இரண்டாம் பாகமான' விஐபி 2' திரைப்படம் இந்த மாதமே வெளியாக இருந்த நிலையில் சென்சார் தாமதம் காரணமாக ஆகஸ்ட் மாதத்திற்கு ஒத்தி வைக்கப்பட்டது என்பதை ஏற்கனவே பார்த்தோம்.
இந்த நிலையில் தற்போது 'விஐபி 2' படம் வரும் ஆகஸ்ட் மாதம் 25ஆம் தேதி வெளியிட திட்டமிடப்பட்டுள்ளது. இதுகுறித்த அறிவிப்பு இன்னும் ஓரிரு நாட்களில் வெளிவரவுள்ளது. அஜித்தின் விவேகம் ஆகஸ்ட் 10ஆம் தேதி வெளியாகவுள்ளதால் 15 நாட்கள் இடைவெளியில் தனுஷின் 'விஐபி 2' வெளியாகவுள்ளது என்பது குறிப்பிடத்தக்கது.
தனுஷ், அமலாபால், கஜோல், சமுத்திரக்கனி, சரண்யா, விவேக், மோனல் கஜ்ஜார், ரிஷிகேஷ் உள்பட பலர் நடித்துள்ள இந்த படத்திற்கு சீன் ரோல்டன் இசையமைத்துள்ளார். சமீர் தாஹிர் ஒளிப்பதிவாளராகவும், சத்யராஜ் நடராஜன் படத்தொகுப்பாளராகவும் பணிபுரிந்துள்ள இந்த படத்தை கலைப்புலி எஸ்.தாணு மற்றும் தனுஷ் இணைந்து தயாரித்துள்ளனர்.