கூத்துப்பட்டறை முத்துசாமி மரணம்: நடனமாடி அஞ்சலி செலுத்திய நடிகர்கள்
- IndiaGlitz, [Thursday,October 25 2018]
கூத்துப்பட்டறையின் நிறுவனர் நா.முத்துசாமி அவர்கள் நேற்று காலமானார். அவருக்கு வயது 82. தமிழ் திரையுலகில் இன்று பிரபல நட்சத்திரங்களாக உள்ள விஜய்சேதுபதி, விமல், பசுபதி உள்பட பலர் இந்த கூத்துப்பட்டறையில் இருந்து வந்தவர்கள் என்பது குறிப்பிடத்தக்கது.
இந்த நிலையில் மறைந்த தனது ஆசானுக்கு அவரிடம் பயின்ற மாணவர்களான விமல், பசுபதி, விதார்த் உள்ளிட்ட பலர் நேற்று முத்துசாமி அவர்களின் இல்லம் அருகே ஆவேசமாக நடனமாடி அவருக்கு கலை அஞ்சலி செலுத்தினர். இந்த கலையஞ்சலி சுமார் ஒரு மணி நேரத்திற்கும் மேலாக நடைபெற்றது.
ஒரு மாபெரும் கலைஞன் மறைந்தாலும் அவரால் செதுக்கபப்ட்ட அவரது கலை வாரிசுகளால் கலை என்றும் அழியாது என்பதை ஞாபகப்படுத்தும் வகையில் இந்த கலை அஞ்சலி இருந்தது என்பது குறிப்பிடத்தக்கது.