'களவாணி 2' அதிகாரபூர்வ ரிலீஸ் தேதி அறிவிப்பு!
- IndiaGlitz, [Tuesday,June 04 2019]
விமல், ஓவியா நடிப்பில் சற்குணம் இயக்கிய 'களவாணி 2' திரைப்படத்தின் ரிலீஸ் தேதி இன்று மாலை 5.30 மணிக்கு அறிவிக்கவிருப்பதாக வெளிவந்த செய்தியை சற்றுமுன் பார்த்தோம். அதன்படி தற்போது இந்த படத்தின் ரிலீஸ் தேதி அதிகாரபூர்வமாக அறிவிக்கப்பட்டுள்ளது.
'களவாணி 2' திரைப்படம் உலகம் முழுவதும் ஜூன் 28ஆம் தேதி ரிலீஸ் ஆகவிருப்பதாக அறிவிக்கப்பட்டுள்ளது. ரிலீஸ் தேதிக்கு இன்னும் மூன்று வாரங்களே இருப்பதால் புரமோஷன் பணியை படக்குழுவினர் உடனே தொடங்கவுள்ளனர்.
களவாணி படத்தின் மூலம் கடந்த 2010ஆம் ஆண்டு ஓவியா அறிமுகமான நிலையில் தற்போது அவர் பிக்பாஸ் நிகழ்ச்சியால் புகழின் உச்சியில் உள்ளார். இதனால் இந்த படத்திற்கு பெரும் எதிர்பார்ப்பு ஏற்பட்டுள்ளது. இந்த படத்திற்கு ஜிப்ரான் இசையமைத்துள்ளார்.