விமல் லட்சியத்தை உடைத்தாரா வரலட்சுமி? கலகலப்பாக உருவாகும் ' கன்னிராசி'
- IndiaGlitz, [Friday,February 16 2018]
சமீபத்தில் நடிகர் விமல் நடித்த 'மன்னார் வகைறயா' ரசிகர்களின் வரவேற்பை பெற்று வெற்றி பெற்றுள்ள நிலையில் அவர் தற்போது ஐந்து படங்களில் நடித்து வருகிறார். அந்த வகையில் அவர் நடித்து வரும் படங்களில் ஒன்று 'கன்னிராசி
கிங் மூவி மேக்கர்ஸ் P.ஷமீம் இப்ராகிம் தயாரிப்பில், எஸ்.முத்துக்குமரன் இயக்கும் இப்படத்தில் விமலுக்கு ஜோடியாக முதல்முறையாக, வரலட்சுமி நடித்து வருகிறார். எஸ்.செல்வகுமார் ஒளிப்பதிவில், விஷால் சந்திரசேகர் இசையமைப்பில் ராஜா முகமது எடிட்டிங் பணியில் இந்த படம் வளர்ந்து வருகிறது.
இந்த படத்தின் கதை குறித்து இயக்குனர் செல்வகுமார் கூறியபோது, படத்தில் கதாநாயகன் விமல் குடும்பத்தினர் அனைவருக்கும் கன்னிராசி. எல்லோருமே காதல் திருமணம் செய்து கொண்டவர்கள். ஆனால் விமல், பெற்றோர்கள் நிச்சயிக்கும் பெண்ணைத் தான் திருமணம் செய்து கொள்வது என்ற லட்சியத்துடன் இருக்கிறார். இந்த நிலையில் விமல் வீட்டின் எதிர் வீட்டிற்கு வரலட்சுமி குடும்பத்தினர் குடி வருகிறார்கள். இரண்டு குடும்பத்தினர்களும் சந்தித்து கொள்ளும்போது என்ன நடக்கிறது என்பதை நகைச்சுவையுடன் சொல்லியிருக்கின்றோம். இப்படத்தில் விமலும், வரலட்சுமியும் முதன்முறையாக இணைந்து நடிக்கின்றனர். படம் முழுவதுமே விமலும், வரலட்சுமியும் செய்கின்ற காதல் காட்சிகளும், காமெடி காட்சிகளும் மக்களின் பேராதரவைப் பெறுவது நிச்சயம்.' என்று கூறியுள்ளார்.