சூப்பர் ஸ்டார் ரஜினிகாந்த் அவர்கள் சமீபத்தில் தனது உடல்நிலை காரணமாக அரசியல் கட்சி தொடங்க போவதில்லை என்றும் அரசியலில் குதிக்க போவதில்லை என்றும் அறிக்கை ஒன்றின் மூலம் தெரிவித்தார். அவரது இந்த அறிவிப்பு அவரது ரசிகர்களுக்கு பேரதிர்ச்சியாக இருந்தாலும் பெரும்பாலானோர் அவரது உடல்நிலையை கணக்கில் கொண்டு ஆறுதல் பெற்றார்கள் என்பதும் ஒரு சிலர் ரஜினியின் இந்த முடிவை ஜீரணிக்க முடியாமல் இன்னும் உள்ளனர் என்பதும் குறிப்பிடத்தக்கது

இந்த நிலையில் ரஜினி அரசியல் கட்சி தொடங்க போவதில்லை என்ற முடிவை அறிவித்தால் ஏமாற்றம் அடைந்த ரஜினி ரசிகர் ஒருவர் உயிரிழந்த சம்பவம் விழுப்புரம் பகுதியில் பெரும் சோகத்தை ஏற்படுத்தி உள்ளது

விழுப்புரம் அருகே பாணம்பட்டு என்ற கிராமத்தை சேர்ந்த ராஜ்குமார் என்பவர் ரஜினியின் வெறித்தனமான ரசிகராக இருந்து வந்தார். இவர் ரஜினி அரசியல் கட்சி தொடங்கப் போகிறார் என்ற செய்தி வெளிவந்ததில் இருந்து தனது பகுதியில் ரஜினிக்காக வாக்கு சேகரித்து வந்ததாக தெரிகிறது

இந்த நிலையில் சமீபத்தில் ரஜினி அரசியல் கட்சி தொடங்க போவதில்லை என்று செய்திகள் வெளியானதில் இருந்தே அவர் மன வருத்தத்தில் இருந்ததாகவும், இது குறித்த அதிகாரப்பூர்வமாக அறிவிப்பு வெளிவந்ததும் அந்த அதிர்ச்சியிலேயே அவரது உயிர் பிரிந்து விட்டதாகவும் கூறப்படுகிறது

இது குறித்து அவர்களுடைய குடும்பத்தினர் கூறியபோது ’ரஜினி மீது மிகப்பெரிய அளவில் பற்றும் பாசமும் ராஜகுமார் கொண்டிருந்தார் என்றும், ரஜினி அரசியல் கட்சி துவங்க போவதில்லை என்று கூறியதில் இருந்தே அவர் மிகுந்த வருத்தத்தில் இருந்ததாகவும், அந்த பாதிப்பில் தான் அவர் அதிர்ச்சியில் இறந்து விட்டதாகவும் கூறியுள்ளனர்

மரணமடைந்த ராஜ்குமாருக்கு மனைவி மற்றும் இரண்டு பெண் குழந்தைகள், இரண்டு ஆண் குழந்தைகள் என 4 குழந்தைகள் உள்ளனர் என்பது குறிப்பிடத்தக்கது