பிரபல நடிகர் விக்ரம் அவர்களின் மகள் அக்ஷிதாவின் திருமண நிச்சயதார்த்தம் வரும் ஜூலை 10ஆம் தேதி நடைபெறவுள்ளது என்பதை ஏற்கனவே பார்த்தோம். மகள் அக்ஷிதாவுக்கு விக்ரம் பார்த்த மாப்பிள்ளை சிகே பேக்கரின் குரூப் திரு நங்கநாதன் அவர்களின் குடும்பத்தை சேர்ந்த மானு ரஞ்சித் என்பதையும் நேற்று பார்த்தோம்.

இந்நிலையில் மணமகன் மானு ரஞ்சித் திமுக தலைவர் கருணாநிதி அவர்களின் நெருங்கிய உறவினர் என்பது தற்போது தெரிய வந்துள்ளது. கருணாநிதி மகன் மு.க.முத்துவின் மகள்வயிற்று பேரன் தான் மானு ரஞ்சித் என்றும் கருணாநிதிக்கு இவர் கொள்ளுப்பேரன் உறவு என்பதும் தற்போது தெரிய வந்துள்ளது.

சென்னையில் உள்ள ஸ்டார் ஓட்டலில் வரும் 10ஆம் தேதி நடைபெறவுள்ள நிச்சயதார்த்த நிகழ்ச்சிக்கு நெருங்கிய உறவினர்கள் மற்றும் நண்பர்கள் மட்டும் வருவார்கள் என்று எதிர்பார்க்கப்படுகிறது. இந்த நிகழ்ச்சியில் கருணாநிதி கலந்து கொள்வாரா? என்பதை பொறுத்திருந்து பார்ப்போம்.