கோலிவுட் திரையுலகில் முன்னணி நடிகராக விளங்கி வரும் சீயான் விக்ரம் தனக்கு கொடுக்கப்பட்ட கதாபாத்திரமாகவே மாறிவிடும் தன்மையுடையவர் என்பது அனைவரும் அறிந்ததே. இயக்குனர்களின் பிரியமான நடிகராக விளங்கி வரும் விக்ரம் இந்த வருடம் இயக்குனர் அவதாரம் எடுக்கவுள்ளதாக செய்திகள் வெளிவந்துள்ளது.

ஏற்கனவே சென்னை மழை வெள்ளம் குறித்து கோலிவுட் கலைஞர்களின் ஆதரவோடு ஒரு பாடலை இயக்கி அனுபவம் பெற்ற விக்ரம், தற்போது ஒரு படத்தை இயக்கவுள்ளதாகவும், அந்த படத்தில் கன்னட சூப்பர் ஸ்டார் புனித் ராஜ்குமார் நடிக்கவுள்ளதாகவும் கூறப்படுகிறது.

தமிழ்,தெலுங்கு மற்றும் கன்னடம் என மூன்று மொழிகளில் இந்த படம் எடுக்கப்படவுள்ளதாகவும், இந்த படத்தின் மூலம் புனித் ராஜ்குமார் தமிழுக்கு அறிமுகமாகவுள்ளதாகவும், இந்த படம் குறித்த அதிகாரபூர்வ அறிவிப்பு விரைவில் வெளிவரும் என்றும் கூறப்படுகிறது.