இரண்டாவது வாரத்திலும் வசூலில் வெற்றி நடை போடும் 'விக்ரம் வேதா'
- IndiaGlitz, [Monday,July 31 2017]
மாதவன், விஜய்சேதுபதி நடிப்பில் புஷ்கர் காயத்ரி இயக்கிய 'விக்ரம் வேதா' திரைப்படம் கடந்த 21ஆம் தேதி வெளியாகி நல்ல வரவேற்பை பெற்றது. அனைத்து ஊடகங்களின் பாசிட்டிவ் ரிசல்ட் மற்றும் சமூகவலைத்தளங்களின் ஆதரவு காரணமாக இந்த படம் முதல் வாரத்தில் நல்ல ஓப்பனிங் வசூலை பெற்றதோடு, இரண்டாவது வாரத்திலும் வசூலில் வெற்றிநடை போட்டு வருகிறது.
இந்த நிலையில் சென்னையில் கடந்த வார இறுதி நாட்களில் இந்த படம் 21 திரையரங்குகளில் 280 காட்சிகள் திரையிடப்பட்டு ரூ.1,42,16,251 வசூல் செய்துள்ளது. மேலும் திரையரங்குகளில் 95% பார்வையாளர்கள் இருந்தனர் என்பது குறிப்பிடத்தக்கது.
மேலும் கடந்த 21ஆம் தேதி முதல் 30ஆம் தேதி வரை சென்னையில் இந்த படம் ரூ.4,71,75,854 வசூல் செய்து சாதனை செய்துள்ளது. இந்த தொகை விஜய்சேதுபதி, மாதவன் ஆகிய இருவருக்குமே அவர்களது முந்தைய படங்களின் 10 நாள் வசூலைவிட அதிகம் என்பது குறிப்பிடத்தக்கது.