'விக்ரம் வேதா' இந்தி ரீமேக் ரிலீஸ் தேதி அறிவிப்பு!
- IndiaGlitz, [Saturday,July 10 2021]
மாதவன், விஜய் சேதுபதி நடிப்பில் இயக்குனர்கள் புஷ்கர் காயத்ரி இயக்கத்தில் உருவான திரைப்படம் ’விக்ரம் வேதா’. கடந்த 2017 ஆம் ஆண்டு வெளியான இந்த திரைப்படம் மிகப்பெரிய வெற்றி பெற்றது என்பதும் இந்தப் படத்தின் வசூல் மிகப்பெரிய அளவில் சாதனை செய்தது என்பதும் குறிப்பிடத்தக்கது.
இந்த நிலையில் ’விக்ரம் வேதா’ திரைப்படத்தின் ஹிந்தி ரீமேக் விரைவில் உருவாக இருப்பதாகவும் இது குறித்த அதிகாரப்பூர்வ அறிவிப்பு கடந்த சில மாதங்களுக்கு முன் வெளியானது என்பது தெரிந்ததே.
‘விக்ரம் வேதா’ ஹிந்தி ரீமேக்கில் விஜய்சேதுபதி கேரக்டரில் ஹிருத்திக் ரோஷனும், மாதவன் கேரக்டரில் சைப் அலி கானும் நடிப்பதாக ஏற்கனவே செய்திகள் வெளியானது. மேலும் தமிழில் இந்த படத்தை இயக்கிய புஷ்கர் காயத்ரி தான் இந்தியிலும் இந்த படத்தை இயக்க இருக்கிறார்கள் என்றும் அறிவிக்கப்பட்டுள்ளது.
இந்த நிலையில் தற்போது ’விக்ரம் வேதா’ ஹிந்தி ரீமேக் படத்தின் ரிலீஸ் தேதி அதிகாரபூர்வமாக அறிவிக்கப்பட்டுள்ளது. இந்த படம் அடுத்த ஆண்டு அதாவது 2022ஆம் ஆண்டு செப்டம்பர் 30ஆம் தேதி வெளியாகும் என்று அறிவிக்கப்பட்டுள்ளது.
HRITHIK - SAIF IN 'VIKRAM VEDHA' REMAKE... #HrithikRoshan and #SaifAliKhan will star in the #Hindi remake of #Tamil film #VikramVedha... Pushkar-Gayathri - the director duo of the original film - will direct the #Hindi version too... 30 Sept 2022 release. pic.twitter.com/2nyEhro4rG
— taran adarsh (@taran_adarsh) July 10, 2021