ஆர்யா நடித்த ’ஓரம்போ’, மிர்ச்சி சிவா நடித்த ’வா குவாட்டர் கட்டிங்’ ஆகிய படங்களை அடுத்து புஷ்கர்-காயத்ரி இயக்கிய திரைப்படம் ’விக்ரம் வேதா’. கடந்த 2017 ஆம் ஆண்டு வெளிவந்த இந்தப் படத்தில் விஜய் சேதுபதி மற்றும் மாதவன் நடித்து இருந்தனர். சூப்பர் ஹிட் படமான இந்த படம் மிகப்பெரிய வெற்றியை பெற்றது என்பது தெரிந்ததே

இந்த நிலையில் ’விக்ரம் வேதா’ படத்தை எடுத்து புஷ்கர் காயத்ரி இயக்கும் அடுத்த படம் என்ன என்பது குறித்த கேள்வி கடந்த சில மாதங்களாக கோலிவுட் திரையுலகில் எழுந்து வந்தது தற்போது புஷ்கர் காயத்ரி வெப்சீரிஸ் ஒன்றை இயக்க இருப்பது உறுதி செய்யப்பட்டுள்ளது

இந்த வெப்சீரிஸ்ஸில் கதிர், ஐஸ்வர்யா ராஜேஷ், ஸ்ரேயா ரெட்டி, சத்யராஜ் உள்பட பலர் நடிக்க உள்ளதாக செய்திகள் வெளியாகி உள்ளது. இந்த வெப்சீரிஸ் படத்தின் படப்பிடிப்பு மிக விரைவில் தொடங்க உள்ளது என்பது குறிப்பிடத்தக்கது