அஞ்சலி செலுத்த முடியாத நிலையில் உள்ளேன்: சீயான் விக்ரம் வருத்தம்
- IndiaGlitz, [Wednesday,August 08 2018]
திமுக தலைவர் கருணாநிதியின் திடீர் மறைவால் தமிழக அரசியல் தலைவர்கள் மட்டுமின்றி திரையுலகினர்களும் அதிர்ச்சி அடைந்துள்ளனர். அன்னாருக்கு இறுதி மரியாதை செய்யும் வகையில் சென்னை ராஜாஜி ஹாலில் வைக்கப்பட்டுள்ள அவரது உடலுக்கு அஞ்சலி செலுத்தி வருகின்றனர். மேலும் இன்று மாலை நடைபெறும் இறுதி ஊர்வலத்திலும் பெரும்பாலான திரை நட்சத்திரங்கள் கலந்து கொள்வார்கள் என்று எதிர்பார்க்கப்படுகிறது.
இந்த நிலையில் தற்போது வெளியூரில் இருப்பதால் தன்னால் மறைந்த தலைவர் கருணாநிதிக்கு அஞ்சலி செலுத்த முடியாத நிலையில் இருப்பதாக சீயான் விக்ரம் தன்னுடைய இரங்கல் செய்தியில் குறிப்பிட்டுள்ளார். அவர் மேலும் கூறியதாவது:
தமிழின தலைவர், முத்தமிழ் அறிஞர், இந்தியாவின் மூத்த அரசியல் தலைவர், ஐந்து முறை தமிழக முதல்வர் என பன்முக ஆளூமை கொண்ட டாக்டர் கலைஞர் ஐயா அவர்கள் மறைந்த செய்தி கேட்டு மிகவும் அதிர்ச்சியும் துயரமும் அடைந்தேன்
தற்போது வெளியூரில் இருப்பதால் நேரில் வந்து அஞ்சலி செலுத்த முடியாத சூழலில் இருக்கின்றேன். அவருடைய பிரிவால் வாடும் அவருடைய குடும்பத்தினருக்கும், கோடிக்கணக்கான தமிழர்களுக்கும் என்னுடைய ஆழ்ந்த இரங்கலை தெரிவித்து கொள்கிறேன்' என்று விக்ரம் தனது இரங்கல் செய்தியில் குறிப்பிட்டுள்ளார்.