విక్ర‌మ్ 'మ‌హావీర్ క‌ర్ణ' ప్రారంభం
- IndiaGlitz, [Tuesday,December 04 2018]
విక్ర‌మ్ టైటిల్ పాత్ర‌లో మ‌న ఇతిహాసంలోని మ‌హావీరుడు క‌ర్ణుని జీవిత చరిత్ర ఆధారంగా రూపొందుతోన్న చిత్రం 'మ‌హావీర్ క‌ర్ణ'. న్యూయార్క్‌కు చెందిన యునైటెడ్ పిలిం కింగ్ డమ్ అనే నిర్మాణ సంస్థ ఆర్‌.ఎస్‌.విమ‌ల్ దర్శకత్వంలో తెర‌కెక్కిస్తున్నారు.
మ‌ల‌యాళం, త‌మిళం, హిందీ భాష‌ల్లో తెర‌కెక్క‌బోయే ఈ సినిమా బ‌డ్జెట్ మూడు వంద‌ల కోట్లు.. భార‌త‌దేశంలోని భాష‌లు స‌హా ప్ర‌పంచ వ్యాప్తంగా 32భాష‌ల్లో సినిమా విడుద‌ల‌వుతుంద‌ట. ఈ సినిమా లాంచ‌నంగా తిరువ‌నంత‌పురంలోని ప‌ద్మ‌నాభ స్వామి ఆల‌యంలో ప్రారంభమైంది. ఆ గుడిలో ఓ గంట‌ను ఉంచి ప్ర‌త్యేకంగా పూజ‌లు చేశార‌ట.
అంతే కాకుండా ఆ గంట‌ను రామోజీ ఫిలిం సిటీలో వేసిన భారీ సెట్‌కు త‌ర‌లించార‌ట. ప్ర‌ముఖ బాలీవుడ్, హాలీవుడ్ న‌టీన‌టులు, టెక్నీషియ‌న్స్ ఈ సినిమాకు ప‌నిచేయ‌బోతున్నార‌ట.