చెన్నై వ‌ర‌ద‌ల భీభ‌త్సం ప్ర‌తి ఒక్క‌రిని క‌దిలించింది. టాలీవుడ్, బాలీవుడ్ హీరోలు సైతం క‌దిలివ‌చ్చి త‌మ వంతు స‌హాయ స‌హ‌కారాల్ని అందించారు. ముఖ్యంగా తెలుగు యువ‌ క‌థానాయ‌కులు అంతా క‌ల‌సి ఒక టీమ్ గా ఏర్ప‌డి చెన్నై కోసం ఎన్నో సేవా కార్య‌క్ర‌మాలు చేసారు. ఎంతో మందిలో స్పూర్తిని నింపారు. టాలీవుడ్ - బాలీవుడ్ న‌టులే కాదు దేశం మొత్తం చెన్నైకి అండ‌గా నిలిచింది.

అయితే...ఈ చెన్నై వ‌ర‌ద‌లకు చిహ్నంగా అన్న‌ట్టు హీరో విక్ర‌మ్ ఓ వీడియో సాంగ్ రిలీజ్ చేసారు. చెన్నై వాసుల‌కు స్పూర్తిగా...హార్ట్ ట‌చ్చింగ్ గా ఉన్న వీడియో సాంగ్ లో ద‌క్షిణాది తార‌ల‌తో పాటు బాలీవుడ్ తార‌లు కూడా న‌టించారు. అయితే.... ఈ వీడియో సాంగ్ లో ఒక్క తెలుగు న‌టుడు క‌న‌ప‌డ‌లేదు. క‌నీసం కొన్ని సెక‌న్లు అయినా క‌నిపించి ఉంటే బాగుండేది. త‌మిళ హీరో విక్ర‌మ్ కి తెలుగు హీరోలు క‌న‌ప‌డ‌లేదో..? ఒక వేళ సంప్ర‌దిస్తే మ‌న వాళ్లకు కుద‌ర‌లేదో...? తెలియ‌దు కానీ...ఈ వీడియోలో ఒక్క తెలుగు న‌టుడు క‌న‌ప‌డ‌లేదు. మ‌రి...ఈ విష‌యం పై హీరో విక్ర‌మ్ ఏమంటారో..? చెన్నైవాసుల‌కు అండ‌గా నిలిచేందుకు ఎంత‌గానో క‌ష్ట‌ప‌డిన మ‌న యువ క‌థానాయ‌కులు ఏమంటారో చూద్దాం.