தமிழ் சினிமாவின் முன்னணி நடிகர்களில் ஒருவராகிய விக்ரம் தனது மகன் துருவ்வை சினிமாவில் அறிமுகம் செய்கிறார் என்பதும், அவருடைய முதல் படத்தை தேசிய விருது பெற்ற இயக்குனர் பாலா இயக்கவுள்ளார் என்பதும் தெரிந்ததே.

இந்த படத்தின் டைட்டில் 'வர்மா' என்று கடந்த சில நாட்களுக்கு முன் அறிவிக்கப்பட்டு ஃபர்ஸ்ட்லுக் போஸ்டரும் வெளியான நிலையில் இன்று முதல் இந்த படத்தின் படப்பிடிப்பு தொடங்கியுள்ளது. தெலுங்கில் சூப்பர் ஹிட்டான 'அர்ஜூன் ரெட்டி' படத்தின் தமிழ் ரீமேக்கான இந்த படத்தின் முதல்கட்ட படப்பிடிப்பு நேபாள நாட்டின் தலைநகர் காத்மண்டுவில் நடைபெறவுள்ளது. இந்த படப்பிடிப்பில் துருவ் உள்பட படக்குழுவினர் அனைவரும் கலந்து கொள்கின்றனர்.

'ஜோக்கர்' புகழ் ராஜூமுருகன் வசனம் எழுதும் இந்த படத்திற்கு சுகுமார் ஒளிப்பதிவு செய்கிறார். ராதான் இசையமைக்கும் இந்த படம் வரும் டிசம்பரில் வெளியிட திட்டமிடப்பட்டுள்ளது.