డిఫ‌రెంట్ క‌థ‌లు, కాన్సెప్ట్‌లు, గెట‌ప్‌ల‌తో విల‌క్ష‌ణ న‌టుడుగా పేరు తెచ్చుకున్న చియాన్ విక్ర‌మ్, హ‌రి ద‌ర్శక‌త్వంలో వచ్చిన సామి ఎంత‌టి సెన్సేష‌న‌ల్ హిట్ అయ్యిందో తెలిసిందే. సామి చిత్రాన్ని తెలుగులో నంద‌మూరి బాల‌కృష్ణ ల‌క్ష్మీ న‌ర‌సింహా అనే పేరుతో చేశాడులేండి. తెలుగులో కూడా సినిమా పెద్ద హిట్ సాధించింది. ఇప్పుడు సూప‌ర్‌హిట్ చిత్రానికి సీక్వెల్ `సామి2` రూపొందనుంది.

ఈ చిత్రానికి సంబంధించిన ప్రీ ప్రొడ‌క్ష‌న్ వ‌ర్క్ తుది ద‌శ‌కు చేరుకుంది. సామి చిత్రంలో విక్ర‌మ్ స‌ర‌స‌న సామిలో జ‌త క‌ట్టిన త్రిష‌ను సీక్వెల్‌లో హీరోయిన్‌గా తీసుకున్నారు. అలాగే కీర్తి సురేష్‌ను కూడా మ‌రో హీరోయిన్‌గా ఎంపిక చేసుకున్నారు. ప‌వ‌ర్‌పోలీస్ ఆఫీస‌ర్ క్యారెక్ట‌ర్స్‌ను డిజైన్ చేయ‌డం డైరెక్ట‌ర్ హ‌రిది ప్ర‌త్యేక‌మైన శైళి. మ‌రిప్పుడు సామి సీక్వెల్‌లో విక్ర‌మ్ క్యారెక్ట‌ర్‌ను ఎలా డిజైన్ చేసుంటాడో తెలియాలంటే కొన్ని రోజులు ఆగాల్సిందే.ఈ సినిమా రెగ్యుల‌ర్ షూటింగ్ జూలై నుండి ప్రారంభం అవుతుంది.