விக்ரம் பிரபுவின் 'வீரசிவாஜி' ரிலீஸ் தேதி
- IndiaGlitz, [Saturday,December 03 2016]
விக்ரம்பிரபு நடித்த 'வீரசிவாஜி' படத்தின் படப்பிடிப்பு மற்றும் போஸ்ட் புரடொக்ஷன்ஸ் பணிகள் முடிவடைந்து ரிலீசுக்கு தயாராகியுள்ள நிலையில் இந்த படத்தின் ரிலீஸ் தேதி தற்போது அதிகாரபூர்வமாக அறிவிக்கப்பட்டுள்ளது.
ஜெயம் ரவி நடித்த 'ரோமியோ ஜூலியட்' படத்தை தயாரித்த மெட்ராஸ் எண்டர்பிரைசஸ் எஸ். நந்தகோபால் தயாரித்துள்ள 'வீரசிவாஜி' திரைப்படம் டிசம்பர் 16ஆம் தேதி உலகம் முழுவதும் வெளியாகவுள்ளது.
விக்ரம்பிரபு, ஷாம்லி முதல்முறையாக ஜோடி சேர்ந்துள்ள இந்த படத்தில் ஜான்விஜய், ரோபோசங்கர், யோகி பாபு, நான்கடவுள் ராஜேந்திரன், மனிஷாஸ்ரீ, வினோதினி, ஸ்ரீரஞ்சனி, இயக்குனர் மாரிமுத்து, சாதன்யா, குட்டி உள்பட பலர் நடித்துள்ளனர். டி.இமான் இசையமைத்துள்ள இந்த படத்தை கணெஷ் விநாயக் இயக்கியுள்ளார்.