விஜய் ஆண்டனி, அரவிந்தசாமி பட இயக்குனருடன் இணையும் விக்ரம்பிரபு
- IndiaGlitz, [Saturday,May 26 2018]
விஜய் ஆண்டனி நடித்த வெற்றிப்படங்களில் ஒன்று 'சலீம்' அவர் நடித்த முதல் படமான 'நான்' படத்தின் அடுத்தபாகமாக வெளிவந்த இந்த படம் முதல் படம் போலவே நல்ல வெற்றி பெற்றது. இந்த படத்தை இயக்கியய இயக்குனர் நிர்மல்குமார் 'சதுரங்க வேட்டை 2' என்ற படத்தை தற்போது இயக்கி வருகிறார். இந்த படத்தில் அரவிந்தசாமி, த்ரிஷா, பிரகாஷ்ராஜ் உள்பட பலர் நடித்து வருகின்றனர். இந்த படம் விரைவில் வெளியாகவுள்ளது.
இந்த நிலையில் இயக்குனர் நிர்மல்குமார் இயக்கவுள்ள 3வது படத்தில் விக்ரம்பிரபு நடிக்கவுள்ளதாகவும், இந்த படமும் 'சலீம்' , 'சதுரங்க வேட்டை 2' போலவே ஒரு ஆக்சன் த்ரில்லர் படம் என்றும் கூறப்படுகிறது. இந்த தகவலை அவர் தனது சமூக வலைத்தளத்தில் உறுதி செய்துள்ளதோடு, இந்த படத்தின் படப்பிடிப்பு வரும் ஜூலை முதல் ஆரம்பமாகும் என்றும் நிர்மல்குமார் கூறியுள்ளார்.
விக்ரம்பிரபு தற்போது 'துப்பாக்கி முனை' மற்றும் 'அசுரகுரு' ஆகிய படங்களில் நடித்து கொண்டிருக்கின்றார் என்பது குறிப்பிடத்தக்கது