நடிகர் விக்ரம்பிரபு நடித்த 'நெருப்புடா' திரைப்படம் இந்த வாரம் வெள்ளியன்று வெள்ளித்திரையில் வெளியாகவுள்ள நிலையில் ரஜினியின் 'கபாலி', விஜய்யின் 'தெறி' போன்ற பல சூப்பர் ஹிட் படங்களை தயாரித்த கலைப்புலி எஸ்.தாணு தயாரிக்கும் அடுத்த படத்தில் நடிக்க ஒப்பந்தமாகியுள்ளார்.

ஆக்சன் மற்றும் த்ரில் கதையம்சம் கொண்ட இந்த படத்தை தினேஷ் செல்வராஜ் இயக்கவுள்ளார். இவர் ஏற்கனவே 'கத்திக்கப்பல்', 'நாலு பேருக்கு நல்லதுன்னா எதுவும் தப்பில்லை' போன்ற படங்களை இயக்கியவர்

இம்மாத இறுதியில் படப்பிடிப்பு தொடங்கவுள்ள இந்த படத்தில் நடிக்கும் நாயகி மற்றும் நடிகர்களின் தேர்வு நடைபெற்று வருவதாகவும், விரைவில் இந்த படம் குறித்த அறிவிப்பு வெளிவரும் என்றும் கூறப்படுகிறது.

இந்த படத்தில் நடிப்பது குறித்து விக்ரம்பிரபு கூறுகையில், 'அரிமாநம்பி' போன்ற படத்தில் ஏன் நடிக்கவில்லை என்று பலர் என்னிடம் கேள்வி கேட்டனர். அவர்களுக்கு பதிலாக இந்த படம் இருக்கும். மேலும் இந்த படத்தின் கதை அனைத்து தரப்பினர்களுக்கும் குறிப்பாக 'பி' மற்றும் 'சி' ஆடியன்ஸ்களுக்கு பொருத்தமான கதையாக இருக்கும் என்று கூறினார்.

'அரிமா நம்பி' படத்திற்கு பின்னர் தாணுவின் தயாரிப்பில் விக்ரம்பிரபு நடிக்கும் இரண்டாவது படம் இது என்பது குறிப்பிடத்தக்கது.