விக்ரம்பிரபுவின் 'சத்ரியன்' ஓப்பனிங் வசூல் எப்படி?
- IndiaGlitz, [Monday,June 12 2017]
விக்ரம்பிரபு, மஞ்சிமாமோகன் நடிப்பில் எஸ்.ஆர்.பிரபாகரன் இயக்கத்தில் கடந்த வெள்ளியன்று வெளியான 'சத்ரியன்' திரைப்படம் ஊடகங்கள் மற்றும் சமூக வலைத்தளங்களில் கலவையான விமர்சனத்தை பெற்றபோதிலும் தமிழகம் முழுவதும் நல்ல ஓப்பனிங் வசூலை பெற்றுள்ளது. போட்டிக்கு பெரிய படங்கள் இல்லாததால் இந்த படத்தின் வசூல் திருப்திகரமாக இருந்ததாக விநியோகிஸ்தர்கள் தரப்பில் இருந்து தகவல்கள் வெளிவந்துள்ளது.
சென்னையை பொருத்தவரையில் 'சத்ரியன்' திரைப்படம் கடந்த வார இறுதி நாட்களில் 21 திரையரங்குகளில் 196 காட்சிகள் திரையிடப்பட்டு ரூ.56,44,890 ஓப்பனிங் வசூலை பெற்றுள்ளது. மேலும் இந்த படத்திற்கு 85% பார்வையாளர்கள் நிரம்பியிருந்தனர். இன்று முதல் அனைத்து திரையரங்குகளிலும் வசூலாகும் தொகையை வைத்தே இந்த படத்தின் வெற்றி உறுதி செய்யப்படும் என்பது குறிப்பிடத்தக்கது.
அதேபோல் கடந்த வெள்ளியன்று வெளியான மற்றொரு படமான கெளதம் கார்த்திக்கின் 'ரங்கூன்' திரைப்படம் கடந்த வாரம் சென்னையில் 20 திரையரங்குகளில் வெளியாகி 175 காட்சிகள் திரையிடப்பட்டு ரூ.39,09,120 வசூலாகியுள்ளது என்பது குறிப்பிடத்தக்கது.