விக்ரம் பிரபு நடித்த 'முடிசூடா மன்னன்' திரைப்படத்தின் படப்பிடிப்பு விறுவிறுப்பாக நடைபெற்று வரும் நிலையில் இந்த படத்தின் டைட்டில் தற்போது திடீரென மாற்றப்பட்டுள்ளது. கடந்த 1990ஆம் ஆண்டு விஜயகாந்த் நடிப்பில் மணிரத்னம் தயாரித்த 'சத்ரியன்' என்ற டைட்டில்தான் 'முடிசூடா மன்னன்' படத்திற்கு மாற்றப்பட்டுள்ளதாக தகவல்கள் வெளிவந்துள்ளது.

விக்ரம்பிரபு, மஞ்சிமா மோகன், ஐஸ்வர்யா தத்தா, கவின் உள்பட பலர் நடித்துவரும் இந்த படத்தை எஸ்.ஆர்.பிரபாகரன் இயக்கி வருகிறார். சத்யஜோதி பிலிம்ஸ் தயாரித்து வரும் இந்த படத்திற்கு யுவன்ஷங்கர் ராஜா இசையமைத்து வருகிறார். சிவகுமார் விஜயன் ஒளிப்பதிவில் வெங்கட் படத்தொகுப்பில் இந்த படம் வளர்ந்து வருகிறது.

'சத்ரியன்' படத்தை அடுத்து விக்ரம்பிரபு தனது சொந்த தயாரிப்பில் 'நெருப்புடா' என்ற படத்திலும் நடித்து வருகிறார் என்பது குறிப்பிடத்தக்கது.