விக்ரம் பிரபு நடிப்பில் தமிழ் இயக்கத்தில் உருவாகியிருக்கும் ‘டாணாக்காரன்’ என்ற திரைப்படத்தின் டீசர் சற்று முன் வெளியாகியுள்ள நிலையில் இந்த டீசரில் தமிழ்நாடு காவல்துறை பயிற்சி பள்ளியில் நடக்கு சம்பவங்களை கொண்டு உருவாக்கப்பட்டுள்ளது.

ஒரு போலீஸ்காரராக யார் உருவாக வேண்டும் என்பதை போலீஸ் ட்ரெய்னிங்கில் உள்ள அதிகாரி தான் முடிவு செய்வார் என்பதால் போலீஸ் பயிற்சி பள்ளியில் என்னென்ன முறைகேடுகள் நடக்கின்றன, என்னென்ன அராஜகங்கள் நடக்கின்றன என்பதை விலாவாரியாக கூறியிருக்கும் படம்தான் இந்த ‘டாணாக்காரன்’. போட்டிக்காக மட்டுமே பயிற்சி கொடுக்கின்ற இந்த அதிகாரிகளை நான் கேள்வி கேட்பேன் என்று விக்ரம் பிரபுவின் வசனமே படத்தின் எதிர்பார்ப்பை அதிகரித்துள்ளது.

பொட்டன்ஷியல் ஸ்டூடியோ நிறுவனத்தின் தயாரிப்பில் உருவாகியுள்ள இந்த படத்திற்கு ஜிப்ரான் இசையமைத்துள்ளார். மாதேஷ் மாணிக்கம் ஒளிப்பதிவில் பிலோமினா ராஜ் படத்தொகுப்பில் உருவாகியுள்ள இந்த படத்தில் விக்ரம் பிரபு ஜோடியாக அஞ்சலி நாயர் நடித்துள்ளார். இந்த படம் விரைவில் திரைக்கு வரவுள்ளது என்பது குறிப்பிடத்தக்கது.