விக்ரம் படத்தை இயக்கும் விஷால் இயக்குனர்
- IndiaGlitz, [Tuesday,December 15 2015]
விஷால் நடித்த 'தீராத விளையாட்டு பிள்ளை', சமர்', மற்றும் 'நான் மகான் அல்ல' ஆகிய மூன்று படங்களை இயக்கிய இயக்குனர் திரு இயக்கவுள்ள அடுத்த படத்தில் சீயான் விக்ரம் நடிக்கவுள்ளதாக செய்திகள் வெளிவந்துள்ளது.
'10 எண்றதுக்குள்ள' படத்தை அடுத்து விக்ரம், ஆனந்த் ஷங்கர் இயக்கத்தில் உருவாகும் படத்தில் நடிக்கவுள்ளார். இந்த படத்தில் முதன்முதலாக விக்ரமுடன் நயன்தாரா ஜோடி சேரவுள்ளார். இந்த படத்தின் படப்பிடிப்பு விரைவில் தொடங்கவுள்ளது.
இந்நிலையில் விக்ரம், திருவின் அடுத்த படத்தில் நடிக்கவுள்ளதாகவும், ஆனந்த் ஷங்கரின் படத்தை முடித்தவுடன் திருவின் இயக்கத்தில் உருவாகும் படத்தின் படப்பிடிப்பில் விக்ரம் கலந்து கொள்வார் என்றும் கூறப்படுகிறது.
இந்த படத்தில் விக்ரமுக்கு ஜோடியாக நடிக்கும் நடிகை மற்றும் தொழில்நுட்ப கலைஞர்களின் தேர்வு நடைபெற்று வருவதாகவும் விரைவில் இந்த படம் குறித்த அதிகாரபூர்வ அறிவிப்பு வெளிவரும் என்றும் கூறப்படுகிறது.