వంద కోట్ల క్లబ్ లో విక్రమ్ సినిమా..!
- IndiaGlitz, [Tuesday,September 20 2016]
త‌మిళ హీరో విక్రమ్ న‌టించిన తాజా చిత్రం ఇరుమురుగ‌న్. ఈ చిత్రాన్ని తెలుగులో ఇంకొక్క‌డు అనే టైటిల్ తో రిలీజ్ చేసారు. ఈ నెల8న ప్ర‌పంచ వ్యాప్తంగా రిలీజైన ఈ చిత్రం ఇప్ప‌టి వ‌ర‌కు 90 కోట్ల‌కు పైగా వ‌సూలు చేసింది. ఈ చిత్రానికి డివైడ్ టాక్ వ‌చ్చినా ఈరేంజ్ క‌లెక్ష‌న్స్ వ‌సూలు చేయ‌డం విశేషం. విక్రమ్ - శంక‌ర్ కాంబినేష‌న్లో రూపొందిన ఐ చిత్రం భారీ ఓపెనింగ్స్ సాధించింది. ఆత‌ర్వాత విక్రమ్ కెరీర్ లో భారీ ఒపెనింగ్స్ సాధించిన రెండో చిత్రం ఇరుమురుగ‌న్ అని నిర్మాత శిబు త‌మీన్స్ తెలిపారు.
ఈనెల 8 నుంచి 11 వ‌ర‌కు 51.19 కోట్లు, 12న 5.52 కోట్లు, 13న 6.47 కోట్లు, 14న 5.92 కోట్లు, 15న 4.22 కోట్లు, 16న 4.82 కోట్లు, 17న 5.44 కోట్లు, 18న 6.49 కోట్లు మొత్తం 90.07 కోట్లు క‌లెక్ట్ చేసింది.
ఈవారంలో ఈ చిత్రం వంద కోట్ల క్లబ్ లో చేరే అవ‌కాశం ఉంది అంటున్నారు. మ‌రి...వంద కోట్ల క్లబ్ లో ఇరుమురుగ‌న్ చేరుతుందో లేదో చూడాలి..!