12 வருடங்களுக்கு பின் திருப்பதி சென்ற 'விக்ரம்' பட நடிகை: வைரல் புகைப்படங்கள்
- IndiaGlitz, [Sunday,June 19 2022]
உலகநாயகன் கமல்ஹாசன் நடித்த ‘விக்ரம்’ திரைப்படம் சமீபத்தில் வெளியாகி மிகப்பெரிய வெற்றி பெற்ற நிலையில் இந்த படத்தில் நடித்த நடிகை ஒருவர், 12 வருடங்களுக்கு பின் திருப்பதி சென்றதாக தனது சமூக வலைத்தளத்தில் பதிவு செய்துள்ளார்.
‘விக்ரம்’ திரைப்படத்தில் விஜய் சேதுபதிக்கு ஜோடியாக 3 நடிகைகள் நடித்து இருந்த நிலையில் அதில் ஒருவர் பிக்பாஸ் நிகழ்ச்சி மூலம் பிரபலமான ஷிவானி நாராயணன். இவர் சமூக வலைத்தளமான இன்ஸ்டாகிராம் பக்கத்தில் கிளாமரான புகைப்படங்கள் மற்றும் வீடியோக்களை பதிவு செய்து மூன்று மில்லியனுக்கும் அதிகமான ஃபாலோயர்களை வைத்துள்ளார்.
இந்த நிலையில் சமீபத்தில் இவர் திருப்பதி சென்ற புகைப்படங்களை பதிவு செய்து உள்ளார். 12 வருடங்களுக்கு பின் திருப்பதி சென்று உள்ளதாகவும் அதில் அவர் குறிப்பிட்டுள்ளார். திருப்பதியில் ஷிவானி நாராயணன் இருக்கும் புகைப்படங்கள் தற்போது இணையதளங்களில் வைரலாகி வருகின்றன.
நடிகை ஷிவானி நாராயணன் நடித்த ’வீட்டில் விசேஷம்’ திரைப்படம் நேற்று முன்தினம் வெளியான நிலையில் தற்போது அவர் விஜய் சேதுபதியின் 46வது படம், ’பம்பர்’ மற்றும் வைகை புயல் வடிவேலு நடித்து வரும் ‘நாய்சேகர் ரிட்டர்ன்ஸ்’ ஆகிய படங்களில் நடித்து வருகிறார்.