சீயான் விக்ரமின் 'இருமுகன்' ரிலீஸ் தேதி
- IndiaGlitz, [Tuesday,February 23 2016]
எந்த ஒரு கேரக்டர் கொடுத்தாலும், அந்த கேரக்டராகவே மாறிவிடும் நடிகர்களில் ஒருவரான சீயான் விக்ரம் தற்போது ஆனந்த் சங்கர் இயக்கத்தில் 'இருமுகன்' என்ற படத்தில் நடித்து வருகிறார். முதன்முதலாக விக்ரம் இரு வேடங்களில் நடித்து வரும் இந்த படத்தில் விக்ரமுக்கு ஜோடியாக லேடி சூப்பர் ஸ்டார் நயன்தாரா நடித்து வருகிறார். மேலும் ஒரு முக்கிய கேரக்டரில் நித்யா மேனனும் நடிக்கின்றார்.
இந்த படத்தின் மலேசிய படப்பிடிப்பு சமீபத்தில் முடிவடைந்து தற்போது சென்னையில் நடைபெற்று வரும் நிலையில் இந்த படத்தின் ரிலீஸ் தேதி குறித்த தகவல் தற்போது வெளிவந்துள்ளது. 'இருமுகன்' திரைப்படம் வரும் வரும் ஜூலை மாதம் 8 ஆம் தேதி ரம்ஜான் விடுமுறையில் வெளியாகவுள்ளதாக கூறப்படுகிறது. மேலும் இந்த படத்தின் ஆடியோ வெளியீடு மற்றும் டீசர் ஆகியவை வரும் மே மாதத்தில் வெளியாகும் என எதிர்பார்க்கப்படுகிறது.
நாசர், தம்பி ராமையா, யூகிசேது ஆகியோர் முக்கிய வேடங்களில் நடிக்கும் இந்த படத்தை 'புலி' தயாரிப்பாளர்களில் ஒருவரான ஷிபுதமீன்ஸ் தயாரித்து வருகிறார். ஹாரீஸ் ஜெயராஜ் இசையில் ஆர்.டி.ராஜசேகர் ஒளிப்பதிவில், புவன் ஸ்ரீனிவாசன் படத்தொகுப்பில் இந்த படம் மிக வேகமாக உருவாகி வருகிறது.