சியான் விக்ரமின் 'ஸ்கெட்ச்' ரிலீஸ் எப்போது?
- IndiaGlitz, [Wednesday,October 11 2017]
சியான் விக்ரம், தமன்னா நடிப்பில் விஜய்சந்தர் இயக்கி வரும் 'ஸ்கெட்ச்' படத்தின் படப்பிடிப்பு சமீபத்தில் முடிவடைந்து தற்போது போஸ்ட் புரடொக்சன்ஸ் பணிகள் விறுவிறுப்புடன் நடந்து வருகிறது.
இந்த நிலையில் இந்த படம் வரும் கிறிஸ்துமஸ் நாளில் வெளியிட படக்குழு திட்டமிட்டுள்ளதாக தெரிகிறது. கிறிஸ்துமஸ் தினத்தை அடுத்து பொங்கல் தினத்தில் தான் சூர்யாவின் 'தானா சேர்ந்த கூட்டம்' உள்பட பெரிய படங்கள் ரிலீஸ் ஆகவுள்ளதாகவும், இடையில் நீண்ட இடைவெளி இருப்பதால் கிறிஸ்துமஸ் நாளை தவறவிடாமல் 'ஸ்கெட்ச்' படத்தை ரிலீஸ் செய்ய அனைத்து முயற்சிகளும் எடுக்கப்படும் என்றும் படக்குழுவினர் தெரிவித்துள்ளனர்.
விக்ரம், தமன்னா, ஸ்ரீப்ரியங்கா, ராதாரவி, வேல ராமமூர்த்தி, சூரி, ஸ்ரீமன் உள்ளிட்ட பலர் நடித்துள்ள இந்த படத்திற்கு தமன் இசையமைத்துள்ளார். இந்த படத்தின் டீசர் வரும் 18ஆம் தேதி வெளியாகவுள்ளது என்பது குறிப்பிடத்தக்கது.