'మ‌నం' చిత్రంతో తెలుగువారికి బాగా ద‌గ్గ‌రైన ద‌ర్శ‌కుడు విక్ర‌మ్ కుమార్‌.. ప్ర‌స్తుతం సూర్య‌తో '24' అనే సైంటిఫిక్ ఫిక్ష‌న్ చేస్తున్న సంగ‌తి తెలిసిందే. ఈ సినిమా విక్ర‌మ్‌కి ద‌ర్శ‌కుడిగా ఆర‌వ చిత్రం. ఈ సినిమా కోసం ఓ అంశాన్ని విక్ర‌మ్ నాలుగోసారి రిపీట్ చేస్తున్నాడు.

ఇంత‌కీ అదేమిటంటే.. 'నీరాజ‌నం', 'నాయ‌కుడు' వంటి చిత్రాల్లో హీరోయిన్‌గా న‌టించిన నాటి క‌థానాయిక శ‌ర‌ణ్య‌ని త‌న సినిమాల కోసం కీల‌క పాత్ర‌ల్లో ఎంచుకోవ‌డం. త‌మిళ చిత్రం 'అలై' కోసం మొద‌టిసారి ఆమెతో కీల‌క పాత్ర చేయించిన‌ విక్ర‌మ్‌.. ఆ త‌రువాత '13 బి', 'మ‌నం'లోనూ ఆమెకి ముఖ్య పాత్ర‌ల‌ను ఇచ్చాడు. ఇక‌ '24' సంగ‌తికి వ‌స్తే.. అత్యంత కీల‌క‌మైన వేషంలో శ‌ర‌ణ్య క‌నిపించ‌నుంద‌ట‌. మొత్త‌మ్మీద‌.. శ‌ర‌ణ్య‌లాంటి మంచి న‌టికి త‌న సినిమాల్లో త‌రుచుగా అవ‌కాశాలిస్తూ ప్రోత్స‌హిస్తున్నాడు విక్ర‌మ్ కుమార్‌. '24' వేస‌వి కానుక‌గా విడుద‌ల‌కు సిద్ధ‌మ‌వుతోంది.