பிரபாஸ் ஜோடியாகும் விக்ரம், சிம்பு பட நடிகைகள்..!
- IndiaGlitz, [Saturday,August 19 2023]
பிரபாஸ் நடித்த 'பாகுபலி’ மற்றும்’ பாகுபலி 2’ ஆகிய இரண்டு வெற்றி படங்களுக்கு பின்னர் அவர் நடித்த ’சாஹோ’ ‘ராதே ஷ்யாம்’ மற்றும் ‘ஆதிபுருஷ்’ ஆகிய மூன்று படங்களும் தோல்வி அடைந்தாலும் அவருக்கு அடுத்தடுத்து படங்கள் ஒப்பந்தமாகி வருகின்றனர். இந்த நிலையில் பிரபாஸ் நடிக்கும் அடுத்த படத்தில் விக்ரம் மற்றும் சிம்பு படத்தில் நடித்த நடிகைகள் நடிக்க இருப்பதாக கூறப்படுகிறது.
பிரபாஸ் நடிப்பில் மாருதி என்பவர் இயக்கத்தில் உருவாக உள்ள திரைப்படம் ’ராஜா டீலக்ஸ்’. இந்த படத்தில் பிரபாஸ் ஜோடியாக இரண்டு நடிகைகள் நடிக்க இருப்பதாகவும் அவர்கள் மாளவிகா மோகனன் மற்றும் நிதி அகர்வால் என்றும் கூறப்படுகிறது.
தற்போது விக்ரம் நடித்து வரும் ‘தங்கலான்’ என்ற படத்தில் நாயகி ஆக மாளவிகா மோகன் நடித்து வருகிறார். அதேபோல் சிம்பு நடித்த ’ஈஸ்வரன்’ என்ற திரைப்படத்தில் நிதி அகர்வால் நடித்திருந்தார் என்பது குறிப்பிடத்தக்கது.
பிரபாஸ் தற்போது ‘கல்கி 288 ஏடி’ என்ற படத்தில் நடித்து வரும் நிலையில் அதன் பிறகு ’ராஜா டீலக்ஸ்’ படத்தில் நடிப்பார் என்று கூறப்படுகிறது.