'விக்ரம்' பட நடிகையின் வயிற்றில் சரமாரியாக குத்தும் ஜிம் பயிற்சியாளர்: வைரல் வீடியோ
- IndiaGlitz, [Monday,May 16 2022]
கமலஹாசன் நடித்த ’விக்ரம்’ படத்தில் நடித்த நடிகையின் வயிற்றில் ஜிம் பயிற்சியாளர் சரமாரியாக குத்தும் வீடியோ இணையதளங்களில் வைரலாகி வருகிறது.
கமல்ஹாசன் நடிப்பில் லோகேஷ் கனகராஜ் இயக்கத்தில் உருவாகியுள்ள ’விக்ரம்’ படம் ஜூன் மூன்றாம் தேதி வெளியாக உள்ளது. இந்த படத்தின் டிரைலர் மற்றும் பாடல்கள் நேற்று வெளியாகி இணையத்தில் வைரலாகி வருகின்றன.
இந்த நிலையில் இந்த படத்தில் சின்னத்திரை பிரபலங்களான பிரபலங்களான ஷிவானி நாராயணன் மற்றும் மைனா நந்தினி நடித்துள்ள நிலையில் இந்த படத்தில் நடிகை சுவஸ்திகா கிருஷ்ணன் முக்கிய வேடத்தில் நடித்துள்ளார். நேற்று வெளியான டிரைலரிலும் இவரது காட்சிகள் இருந்தது . ஏற்கனவே மிஷ்கின் நடித்த ‘சவரக்கத்தி’, ஜீவாவின் ’கீ’ உள்ளிட்ட திரைப்படங்களில் நடிகை சுவஸ்திகா கிருஷ்ணன் நடித்துள்ளார் என்பது குறிப்பிடத்தக்கது .
இந்த நிலையில் நடிகை சுவஸ்திகா தனது சமூக வலைத்தளத்தில் ஜிம்மில் குத்துச்சண்டை பயிற்சி பெறும் காட்சியின் வீடியோவை வெளியிட்டுள்ளார். அதில் ஜிம் பயிற்சியாளர் உடன் அவர் ஆவேசமாக மோதும் காட்சிகளும், பயிற்சியாளர் அவரது வயிற்றில் குத்தும் காட்சிகளும் உள்ளன. இந்த வீடியோ தற்போது வைரல் ஆகி வருகிறது.