தளபதி விஜய் நடிப்பில், லோகேஷ் கனகராஜ் இயக்கத்தில் உருவாகியுள்ள 'லியோ’ படத்தின் படப்பிடிப்பு விறுவிறுப்பாக நடைபெற்று வருகிறது என்பதும் சமீபத்தில் இந்த படத்தின் காஷ்மீர் படபிடிப்பு முடிவடைந்தது என்பது தெரிந்ததே.

இந்த நிலையில் இன்று முதல் சென்னையில் இந்த படத்தின் படப்பிடிப்பு தொடங்கியுள்ளதாகவும் படக்குழுவினர் இதில் கலந்துகொண்டிருப்பதாகவும் தகவல்கள் வெளியாகி உள்ளன.

இந்த நிலையில் தற்போது கசிந்துள்ள தகவலின்படி 'லியோ’ திரைப்படத்தில் கமல்ஹாசனின் ‘விக்ரம்’ படத்தில் நடித்த பகத் பாசில் இணைந்துள்ளதாக தெரிகிறது. இதனை அடுத்து இந்த படம் லோகேஷ் கனகராஜின் LCUவில் இணைந்துள்ளதாக கூறப்படுகிறது. இருப்பினும் பகத் பாசில் இந்த படத்தில் இணைந்ததை பட குழுவினர் அதிகாரப்பூர்வமாக அறிவிக்கும் வரை பொறுமை காப்போம்.

விஜய், த்ரிஷா, சஞ்சய்தத், பிரியா ஆனந்த், சாண்டி மாஸ்டர், மிஷ்கின், மன்சூர் அலிகான், மாத்யூ தாமஸ், கௌதம் மேனன் மற்றும் ஆக்சன் கிங் அர்ஜுன் ஆகியோர் உள்பட பலர் நடித்து வரும் இந்த படத்தை பெரும் பொருட்செலவில் லலித தயாரித்து வருகிறார்.

அனிருத் இசையில் பிலோமின் ராஜ் படத்தொகுப்பில், சதீஷ்குமார் கலை இயக்கத்தில், அன்பறிவ் ஸ்டண்ட் இயக்கத்தில், தினேஷ் நடன இயக்கத்தில் இந்த படம் உருவாகி வருகிறது.