நடிகர் திலகம் சிவாஜி கணேசன் அவர்கள் ’நவராத்திரி’ என்ற படத்தில் ஒன்பது வேடங்களில் நடித்துள்ளார். அதன்பின்னர் கமல்ஹாசன் தசாவதாரம் படத்தில் பத்து வேடங்களில் நடித்தார். சிவாஜி மற்றும் கமலஹாசனை மிஞ்சும் வகையில் விக்ரம் தற்போது ‘கோப்ரா’ என்ற திரைப்படத்தில் 12 வேடங்களில் நடித்து வருகிறார்.

‘கோப்ரா’ என்ற படத்தில் தான் விக்ரம் 12 வேடங்களில் நடித்துளார் என்பதும் இந்த படத்தின் ஃபர்ஸ்ட் லுக் போஸ்டர் வரும் பிப்ரவரி 14ஆம் தேதி காதலர் தினத்தில் வெளியாக இருப்பதாகவும் செய்திகள் வெளியாகி உள்ளது இது குறித்த அறிவிப்பு இன்னும் ஒரு சில மணி நேரங்களில் வெளியாகும் என தெரிகிறது

டிமாண்டி காலனி, இமைக்கா நொடிகள் போன்ற படங்களை இயக்கிய அஜய் ஞானமுத்து இயக்கத்தில் ஏ ஆர் ரகுமான் இசையில் உருவாகியுள்ள இந்த படம் வரும் ஏப்ரல் அல்லது மே மாதம் வெளியாகும் என்பது குறிப்பிடத்தக்கது

விக்ரம், ஸ்ரீநிதிஷெட்டி, இர்பான் பதான் உள்பட பலர் நடித்து வரும் இந்த படத்தை 7ஸ்கிரீன் ஸ்டூடியோஸ் நிறுவனம் தயாரித்து வருகிறது. இந்த படத்தின் படப்பிடிப்பை முடித்துவிட்டு, விக்ரம், ‘பொன்னியின் செல்வன்’ படப்பிடிப்பில் கலந்து கொள்ளவிருக்கின்றார் என்பது குறிப்பிடத்தக்கது