சீயான் விக்ரம் நடித்த 'இருமுகன்' வெற்றி படத்தின் இசை வெளியீட்டு விழாவில் விரைவில் விக்ரமுடன் இணைந்து 'சாமி 2' படத்தை இயக்கவுள்ளதாக ஒரு ஆச்சரிய அறிவிப்பை இயக்குனர் ஹரி வெளியிட்டார். இந்த படத்தை 'இருமுகன்' படத்தின் தயாரிப்பாளர் ஷிபுதமீன் தயாரிப்பார் என்றும் அறிவிக்கப்பட்டது.

இந்நிலையில் விக்ரம் அடுத்தடுத்து விஜய்சந்தர் மற்றும் கவுதம் மேனன் படங்களில் நடிக்கவிருப்பதாக செய்திகள் வந்தவுடன் 'சாமி 2' படத்தை தற்போதைக்கு நிறுத்தி வைக்க இயக்குனர் ஹரி முடிவு செய்ததாக வதந்தி ஒன்று பரவி வருகிறது.

ஆனால் இந்த வதந்திக்கு முற்றுப்புள்ளி வைக்கும் வகையில் தயாரிப்பாளர் ஷிபு தமீன் கூறியபோது, 'இயக்குனர் ஹரி தனது உதவியாளர்கள் எட்டு பேர்களுடன் 'சாமி 2' படத்தின் திரைக்கதை அமைக்கும் பணியில் விறுவிறுப்பாக உள்ளார். 'சாமி 2' நிறுத்தி வைக்கப்பட்டுள்ளதாக கூறப்படுவது முற்றிலும் வதந்தியே. 2017ஆம் ஆண்டு ஏப்ரலில் 'சாமி 2' படத்தின் படப்பிடிப்பு நிச்சயம் தொடங்கும்' என்று உறுதியாக கூறியுள்ளார்.