விக்ரம் பிரபுவின் அடுத்த படத்தலைப்பு
- IndiaGlitz, [Saturday,March 12 2016]
'கும்கி' படத்தில் அறிமுகமாகிய விக்ரம் பிரபு அதனை அடுத்து அரிமாநம்பி, சிகரம் தொடு, வெள்ளக்கார துரை, இவன் வேற மாதிரி ஆகிய படங்களில் நடித்துள்ளார். மேலும் அவர் வாஹா, வீரசிவாஜி ஆகிய படங்களில் தற்போது நடித்துக்கொண்டிருக்கின்றார். இந்நிலையில் சமீபத்தில் 'சுந்தரபாண்டியன்', இது கதிர்வேலன் காதல்' ஆகிய படங்களை இயக்கிய இயக்குனர் எஸ்.ஆர்.பிரபாகரன் இயக்கத்தில் ஒரு படத்தில் நடிக்க ஒப்பந்தமாகியிருந்தார் என்பதை பார்த்தோம்.
இந்த படத்தின் டைட்டில் 'முடிசூடா மன்னன்' என்ற தகவல் தற்போது வெளிவந்துள்ளது. இந்த படத்தில் விக்ரம் பிரபுக்கு ஜோடியாக மஞ்சிமா மோகன் நடிக்கவுள்ளார். இவர் ஏற்கனவே சிம்பு நடிப்பில் கவுதம் மேனன் இயக்கி வரும் 'அச்சம் என்பது மடமையடா' என்ற படத்தின் நாயகி என்பது குறிப்பிடத்தக்கது.
சத்யஜோதி பிலிம்ஸ் தயாரிக்கும் இந்த படத்தின் ஆரம்பகட்ட பணிகள் நடந்து வருவதாகவும் விரைவில் படப்பிடிப்பு தொடங்கும் என்றும் கூறப்படுகிறது.