'இருமுகன்' படத்தின் ரிலீஸ் திட்டம் இதுதான்
- IndiaGlitz, [Wednesday,April 20 2016]
சீயான் விக்ரம் முதன்முதலாக இரண்டு வித்தியாசமான வேடங்களில் நடித்து வரும் 'இருமுகன்' படத்தினை அரிமாநம்பி ஆனந்த் சங்கர் இயக்கி வருகிறார். இந்த படத்தில் நயன்தாரா மற்றும் நித்யாமேனன் நாயகிகளாக நடித்து வருகின்றனர். இந்த படத்தின் படப்பிடிப்பு விறுவிறுப்புடன் நடந்து வருவதாகவும், படத்தின் 60% படப்பிடிப்பு முடிந்துவிட்டதாகவும் தகவல்கள் வெளிவந்துள்ளது.
இந்நிலையில் திட்டமிட்டபடி தொடர்ந்து இப்படத்தின் படப்பிடிப்பு நடந்தால் வரும் ஜூலையில் இப்படத்தை ரிலீஸ் செய்ய படக்குழுவினர் திட்டமிட்டுள்ளனர். விக்ரம் நடித்த '10 எண்றதுக்குள்ள' படம் கடந்த அக்டோபரில் வெளியான நிலையில் ஒரு வருடத்திற்கு முன்பே அவருடைய அடுத்த படம் ரிலீஸ் ஆகவுள்ளது என்பது குறிப்பிடத்தக்கது.
தற்போது சென்னையில் விறுவிறுப்பாக இந்த படத்தின் படப்பிடிப்பு நடந்து வருகிறது. சென்னை படப்பிடிப்பு முடிந்தபின்னர் லடாக் மற்றும் பாங்காக் பகுதியில் படப்பிடிப்பை நடத்த திட்டமிடப்பட்டுள்ளது.