விஜய்சேதுபதி ரசிகர்களுக்கு கிடைத்த செல்பி வாய்ப்பு
- IndiaGlitz, [Monday,January 18 2016]
'நானும் ரெளடிதான்' வெற்றிப்படத்திற்கு பின்னர் முன்னணி நடிகர்களின் வரிசையில் இடம்பெற்றுவிட்ட விஜய்சேதுபதி நடித்த மூன்று படங்கள் அடுத்த மாதம் ரிலீஸ் ஆகும் என எதிர்பார்க்கப்படுகிறது. அவற்றில் ஒன்று அவர் முதன்முதலாக போலீஸ் வேடத்தில் நடித்துள்ள 'சேதுபதி' படம்.
விஜய்சேதுபதிக்கு ஜோடியாக இந்த படத்தில் ரம்யா நம்பீசன் நடித்துள்ளார். இருவரும் ஏற்கனவே 'பீட்சா' என்ற வெற்றி படத்தில் நடித்துள்ளனர் என்பது குறிப்பிடத்தக்கது.
இந்நிலையில் இந்த படத்தின் இசை வெளியீட்டு விழா விரைவில் நடைபெறவுள்ளது. இந்த இசை வெளியீட்டு விழாவில் கலந்து கொள்வதோடு, விஜய்சேதுபதியுடன் இணைந்து செல்பி எடுத்து கொள்ளும் வாய்ப்பு ஒருசிலருக்கு கிடைத்துள்ளது. அதாவது சேதுபதி என்ற பெயருடையவர்கள் இந்த விழாவுக்கு அழைக்கப்பட்டு அவர்கள் விஜய்சேதுபதியுடன் செல்பி எடுத்து கொள்ள அனுமதிக்கப்படுவார்கள் என்று அறிவிக்கப்பட்டுள்ளது. இதற்காக படக்குழுவினர்களிடம் முன்கூட்டியே சேதுபதி என்ற பெயருடையவர்கள் விண்ணப்பிக்க வேண்டும் என்பது குறிப்பிடத்தக்கது.