ஏதோ அவன் சக்திக்கு ரெண்டே ரெண்டு லவ்வர் தான் வச்சிருக்கான்: 'காத்துவாக்குல ரெண்டு காதல் டீசர்!
- IndiaGlitz, [Friday,February 11 2022]
நடிகர் விஜய்சேதுபதி, நயன்தாரா மற்றும் சமந்தா நடிப்பில் விக்னேஷ் சிவன் இயக்கத்தில் உருவாகியுள்ள ’காத்துவாக்குல ரெண்டு காதல்’ திரைப்படத்தின் டீசர் சற்று முன் வெளியாகி இணையத்தில் வைரலாகி வருகிறது.
முதன் முதலில் என்னிக்கு நீ என்கிட்ட உன் லவ்வ சொன்னியோ, அன்னியில் இருந்து தான் என வாழ்க்கையை அழகாக மாறியது என்றும், நான் முதன்முதலில் கண்ண பாத்து பேசிய முதல் பெண் நீதான் என்றும், மைனஸ் ஆகவே போய்க்கொண்டிருந்த என்னுடைய வாழ்க்கை பிளஸ் ஆக மாறியது உன்னால் தான் எனவும், ஒரு காதலியிடம் கூறும் வசனங்களை இரண்டு காதலிகள் முன்பு ஒரே நேரத்தில் விஜய் சேதுபதி கூறுவது அசத்தலாக உள்ளது.
மேலும் இரண்டு பெண்களை ஒரே நேரத்தில் காதலித்து இரண்டு பேரிடமும் ஒரே நேரத்தில் காதலை சொல்லும் கேரக்டரில் விஜய் சேதுபதி அசத்தியுள்ளார். அதேபோல் விஜய்சேதுபதி கூறுவதை மாறி மாறி பார்த்து குழப்பத்தில் இருக்கும் நயன்தாரா மற்றும் சமந்தாவும் நடிப்பில் அசத்துகிறார்.
மொத்தத்தில் விக்னேஷ் சிவனின் பாணியில் ’நானும் ரவுடிதான்’ போல ஒரு வித்தியாசமான காதல் கதையாக தான் இந்த ’காத்துவாக்குல ரெண்டு காதல்’ படமும் இருக்கும் என இந்த டீசரில் இருந்து தெரிய வருகிறது.