விஜய்சேதுபதி நடித்த '96' திரைப்படம் சமீபத்தில் வெளிவந்து மிகப்பெரிய வெற்றி அடைந்த நிலையில் தற்போது அவர் சிரஞ்சிவி நடித்து வரும் 'சயீரா நரசிம்ம ரெட்டி' படப்பிடிப்புக்காக தயாராகி வருகிறார்

இந்த படத்தின் போர்க்காட்சி ஒன்று ஜார்ஜியாவில் நடைபெறவுள்ளது. இந்த படப்பிடிப்பில் விஜய்சேதுபதி மற்றும் சுதீப் கலந்து கொள்ளவுள்ளனர். சயீரா நரசிம்ம ரெட்டியின் படைக்கும் கிழக்கு இந்திய கம்பெனியின் படைக்கும் இடையே நடைபெறும் போர்க்காட்சியில் சுமார் 2300 துணை நடிகர்கள் மற்றும் டெக்னீஷியன்கள் பணிபுரியவுள்ளனர். இந்த போர்க்காட்சியை ஸ்பைடர் கேமிராக்கள் உள்பட பல கேமிராக்கள் மூலம் படமாக்கப்படவுள்ளது.

சிரஞ்சீவி, அமிதாப்பச்சன், நயன்தாரா, விஜய்சேதுபதி, சுதீப், ஜெகபதி பாபு, தமன்னா, நாசர், பிரகாஷ்ராஜ், உள்பட பலர் நடிக்கும் இந்த படத்தை மிகப்பெரிய பட்ஜெட்டில் ராம்சரண் தேஜா தயாரித்து வருகிறார். அமித் த்ரிவேதி இசாஇயில் ரத்னவேல் ஒளிப்பாதிவில் ஸ்ரீகர் பிரசாத் படத்தொகுப்பில் உருவாகி வரும் இந்த படம் தமிழ், தெலுங்கு, கன்னடம், மலையாளம் ஆகிய தென்னிந்திய மொழிகளில் தயாராகி வருகிறது.