சென்னை மாயாஜாலில் 'தெறி'யின் புதிய சாதனை
- IndiaGlitz, [Thursday,April 28 2016]
கடந்த தமிழப்புத்தாண்டு தினத்தில் வெளியான விஜய்யின் 'தெறி' திரைப்படம் உலகம் முழுவதும் வசூலில் புதிய சாதனை செய்து வரும் நிலையில் சென்னையில் மட்டும் இந்த படத்தின் கலெக்ஷன் ரூ.10 கோடியை நெருங்கியது என்பதை ஏற்கனவே பார்த்தோம். இந்நிலையில் சென்னை அருகேயுள்ள 'மாயாஜால்' திரையரங்க வளாகத்தில் 'தெறி' படம் புதிய சாதனை செய்துள்ளதாக தகவல்கள் வெளிவந்துள்ளது.
'தெறி' ரிலீஸ் ஆகி 13 நாட்கள் ஆகிய நிலையில் இந்த 13 நாட்களில் மாயாஜாலில் மட்டும் ஒரு லட்சத்திற்கும் அதிகமான பார்வையாளர்கள் இந்த படத்தை பார்த்து ரசித்துளனர். நேற்று வரை 1,00,077 பார்வையாளர்கள் பார்த்துள்ளதாகவும் இதன்மூலம் ரூ.1.21 கோடி வசூல் செய்துள்ளதாகவும் கூறப்படுகிறது.
13 நாட்களில் ஒரு படத்தை ஒரு லட்சம் பார்வையாளர்கள் பார்த்திருப்பது என்பது மாயாஜால் வரலாற்றில் ஒரு சாதனையாக கருதப்படுகிறது. இன்னும் 'தெறி' திரைப்படம் என்னென்ன சாதனையை நிகழ்த்த போகிறது என்பதை பொறுத்திருந்து பார்ப்போம்.