விஜய் மில்டனின் 'கடுகு'. சென்சார் மற்றும் ரன்னிங் டைம்
- IndiaGlitz, [Sunday,March 12 2017]
பிரபல ஒளிப்பதிவாளரும் இயக்குனருமான விஜய் மில்டன், கோலி சோடா, '10 எண்றதுகுள்ள' ஆகிய படங்களை அடுத்து இயக்கியுள்ள படம் 'கடுகு'.
பரத், ராஜகுமாரன் முக்கிய வேடங்களில் நடித்திருக்கும் இந்த படத்தின் படப்பிடிப்பு மற்றும் போஸ்ட் புரடொக்ஷன்ஸ் பணிகள் முடிந்து ரிலீசுக்கு தயாராகியுள்ளது. இந்நிலையில் தற்போது இந்த படம் சென்சார் சான்றிதழையும் பெற்றுவிட்டது. இந்த படத்திற்கு சென்சார் அதிகாரிகள் 'யூ' சான்றிதழ் அளித்துள்ளனர். இதனால் இந்த படம் தமிழக அரசின் வரிவிலக்கு பெற வாய்ப்பு உள்ளது.
மேலும் இந்த படத்தின் ரன்னிங் டைம் 115 நிமிடங்கள் என்று தெரியவந்துள்ளது. இந்த படம் சென்சார் சான்றிதழ் பெற்றுவிட்டதால் மிக விரைவில் அதிகாரபூர்வ ரிலீஸ் தேதி அறிவிக்கப்படும் என தெரிகிறது. இருப்பினும் இந்த படம் வரும் 24ஆம் தேதி வெளியாக வாய்ப்பு உள்ளது.
பரத், ராஜகுமாரன், பரத் சீனி, சுபிக்ஷா, உள்பட பலர் நடித்துள்ள இந்த படத்தின் பாடல்களுக்கு அருணகிரி என்பவரும், பின்னணி இசைக்கு அனூப் சீலின் என்பவரும் இசையமைத்துள்ளனர்.