గౌతమీ ఆరోపణలు విచిత్రంగా అనిపిస్తున్నాయి - విజయశాంతి..!
- IndiaGlitz, [Monday,December 19 2016]
లేడీ అమితాబ్ విజయశాంతి గ‌త కొన్ని సంవ‌త్స‌రాలుగా సినిమాల‌కు, రాజ‌కీయాలకు దూరంగా ఉన్నారు. అయితే...దివంగ‌త ముఖ్య‌మంత్రి జ‌య‌ల‌లిత‌తో విజ‌య‌శాంతికి మంచి అనుబంధం ఉంది. ఈ నేప‌ధ్యంలో ఇటీవ‌ల చెన్నై వెళ్లి అమ్మ స‌మాధిని ద‌ర్శించుకుని నివాళుల‌ర్పించారు. ఈ సంద‌ర్భంగా విజయశాంతి ఓ న్యూస్ ఛాన‌ల్ కి ఇచ్చిన ఇంట‌ర్ వ్యూలో అమ్మ మ‌ర‌ణం పై గౌతమీ చేస్తున్న ఆరోప‌ణ‌ల పై స్పందిస్తూ ....ఇప్పుడు మాట్లాడుతున్న వాళ్లు ఎవ‌రు కూడా అమ్మ క‌ష్టంలో ఉన్న‌ప్పుడు రాలేదు.
వాస్త‌వాలు మాకు తెలుసు క‌దా..! సి.ఎం అయినప్పుడు ఆమె బాగున్న‌ప్పుడు వెళ్ల‌డం వేరే విష‌యం. క‌ష్టంలో ఉన్న‌ప్పుడు నిలిచిన‌వాళ్లే నిజ‌మైన ఆప్తులు అంటాం. నాకు తెలిసి వీళ్లు ఎవ‌రూ ఆమె కోసం రాలేదు . జైలుకి వెళ్లిన‌ప్పుడు... బాధ‌లో ఉన్న‌ప్పుడు రాలేదు. కొత్త‌గా మాట్లాడుతుంటే విచిత్రంగా అనిపిస్తుంది. అయినా... ఒక హాస్ప‌ట‌ల్ లో కెమెరాలు ఉంటాయి. ఆధారాలు కావాలంటే తీసుకోవ‌చ్చు. ఏమీ తెలుసుకోకుండా మిస్ట‌రీ జరిగిందనో.. కుట్ర జరిగిందనో ఒక‌రి మీద బుర‌ద చ‌ల్ల‌డం క‌రెక్ట్ కాదు అంటూ గౌతమీ ఆరోప‌ణ‌ల‌ను ఖండించారు విజయశాంతి..!