విజయశాంతి రీ ఎంట్రీ అందుకే ఆల‌స్య‌మైందా?
- IndiaGlitz, [Saturday,November 23 2019]
లేడీ అమితాబ్‌, రాముల‌మ్మ దాదాపు 13 ఏళ్ల త‌ర్వాత వెండితెర‌పై క‌న‌ప‌డ‌బోతున్నారు. సూప‌ర్‌స్టార్ మహేశ్ హీరోగా అనిల్ రావిపూడి దర్శకత్వంలో రూపొందుతున్న చిత్రం 'స‌రిలేరు నీకెవ్వ‌రు'. ఇందులో విజయశాంతి భార‌తి అనే ప్రొఫెస‌ర్ పాత్ర‌లో న‌టిస్తున్నారు. అయితే నిజానికి విజ‌యశాంతితో సినిమా చేయాల‌ని దర్శకుడు అనిల్ రావిపూడి అనుకున్నాడు. కానీ కుద‌ర‌లేద‌ట.
అస‌లు విష‌య‌మేమంటే..అనిల్ రావిపూడి దర్శకత్వంలో ర‌వితేజ హీరోగా న‌టించిన చిత్రం 'రాజా ది గ్రేట్‌'. ఈ సినిమాను ముందుగా రామ్‌తో తెర‌కెక్కించాల‌ని అనుకున్నాడ‌ట అనిల్ రావిపూడి. రామ్ త‌ల్లి పాత్ర‌లో ముందుగా విజ‌య‌శాంతిని అనుకున్నాడ‌ట. విజ‌య‌శాంతిని క‌లిసి క‌థ‌ను కూడా చెప్పాడ‌ట. ఆమె కూడా ఓకే అంద‌ట. అయితే చివ‌ర‌కు రామ్ ఆ ప్రాజెక్ట్‌ను చేయ‌న‌ని చెప్పాడ‌ట. చివ‌ర‌కు ఆ సినిమాను ర‌వితేజ చేయ‌డానికి ఓకే చెప్పాడు. ర‌వితేజ త‌ల్లిగా చేయ‌డానికి విజయశాంతి ఒప్పుకోలేదు. ఆ స‌మ‌యంలోనే అనిల్‌తో మంచి పాత్ర కుదిరితే మ‌రో సినిమా చేస్తాన‌ని విజయశాంతి చెప్పార‌ట. చివ‌ర‌కు మహేశ్ సినిమాలో మంచి పాత్ర ద‌క్క‌డంతో న‌టిస్తాన‌ని చెప్పార‌ట. అలా విజయశాంతి రీ ఎంట్రీ కాస్త ఆల‌స్య‌మైంది.
మహేశ్, ర‌ష్మిక హీరో హీరోయిన్లుగా న‌టించిన 'స‌రిలేరు నీకెవ్వ‌రు' సినిమా సంక్రాంతి సంద‌ర్భంగా జ‌న‌వ‌రి 12న విడుద‌ల కానుంది. ఇందులో విజయశాంతి రీ ఎంట్రీ ఇస్తున్నారు.