చిరు, బాలయ్య తో పోటీపడనున్న లేడీ అమితాబ్?
- IndiaGlitz, [Tuesday,May 10 2016]
ఒక‌ప్పుడు అటు చిరంజీవికి, ఇటు బాల‌కృష్ణ‌కి హిట్ పెయిర్‌గా రాణించిన ఘ‌న‌త‌ని సొంతం చేసుకుంది లేడీ అమితాబ్ విజ‌య‌శాంతి. ఇప్పుడు అదే చిరు, బాల‌య్య‌తో ఆమె పోటీప‌డ‌నుందా? అవున‌నే వినిపిస్తోంది టాలీవుడ్ లో. చిరంజీవి న‌టిస్తున్న 150వ చిత్రం 'క‌త్తిలాంటోడు', బాల‌కృష్ణ న‌టిస్తున్న 100వ చిత్రం 'గౌత‌మీపుత్ర శాత‌క‌ర్ణి' సంక్రాంతి కానుక‌గా విడుద‌ల‌య్యే దిశ‌గా ఉన్న సంగతి తెలిసిందే.
ఇద్ద‌రు ప్ర‌ముఖ క‌థానాయ‌కుల ల్యాండ్ మార్క్ చిత్రాలు ఒకే సీజ‌న్ లో రావ‌డ‌మే ఒక విశేషంగా మారితే.. అదే రోజున వారిద్ద‌రికి హిట్ పెయిర్ గా నిలిచిన విజ‌య‌శాంతి క‌మ్ బ్యాక్ ఫిల్మ్ కూడా రిలీజ్ అయ్యే అవ‌కాశ‌ముంద‌ని ఫిల్మ్ న‌గ‌ర్ లో వినిపిస్తోంది. చాలా కాలం తరువాత విజ‌య‌శాంతి న‌టించ‌నున్న ఆ చిత్రం ద‌స‌రాకి ప్రారంభ‌మై.. శ‌ర‌వేగంగా నిర్మాణం జ‌రుపుకుని సంక్రాంతికి విడుద‌ల‌వుతుంద‌ని క‌థ‌నాలు వినిపిస్తున్నాయి. ఏది ఏమైనా ఈ మూడు సినిమాలు అనుకున్న టైంకి అనుకున్న‌ట్లుగా వ‌స్తే మాత్రం 2017 సంక్రాంతి క‌చ్చితంగా స్పెషలే.